Ba'a Dek Panakuik Na Ko

Tulisan ko sabananyo, tujuannyo untuak manggalak an diri na surang. Sudah saatnya zaman kini ko kalau nio maju, yo manggalak an diri surang, sabalun wak digalak an urang. Panakuik, sabanany panyakik ko ndak lo dibuek-buek dow. Kalau ditanyo pastinyo, ba'a dek sampai panakuik na kini? Na pun binguang hah ka manjawek apo. Ndak lo ngarati na dow.

Na raso akhir-akhir ko, na lah balabiah-labiah bana takuik na, sajak pas lah sampai rumah makwok Ayah jo Bang dedi nampak urang batilakuang, padohal masih jam 2 lewat dini hari. Hiiiii, takuik, untuang lo na ndak ado nampak hah. Dikecek lo samo Ayah, urang yang punyo rumah tuw mati dibunuah urang, di rampok. Kalau nampak mungkin labiah dari iko lo panakuik na mungkin. Sejak kejadian tuw, sampai rumah makwok, nio lalok jo Yul, ndak tanggung takuik na dow. Ditambah lo lampu kamar si Yul tu ndak lo tarang dow (ndak katuju bana di na tuw, soalnyo na suko yang tarang-tarang). Lah takalok salayang, raso ado nyow di bawah kaki na. Lah takalok lo lai, tasirok jago, raso ado nyow lalok sampiang na. Onde Ya Allah, ba'a tuw. Doso ndak yo kalau na takuik model tuw?

Hah, hari tuw, pas Sabtu dapek jadwal siaran jam 5 sampai jam 8 malam. Habis itu off pemancar. Soalnya kalau malam minggu ndak ado safari Wali kota dow kan. Siap jam 8 tuw, capek-capek na naiak ka ateh karuang pemancar. Niat na, bia capek lo na sholat Isya jo tarawiah serta witir kan. Suasanyow haniang bana, sunyi bana. Meskipun rumah sabalah, lai baurang nyo kan, tetap ajho na raso haniang bana. Lah cameh lo na naiak ka ateh tuw. Sampai di ruang pemancar, ka mambukak pintunyo lai, eeee raso turun gagang pintu tuw, taparinjek na dibueknyo. "Astagfirullah". Turun na liak ka bawah, na baok, hape na, tujuannyo, kalau mati katakuian na beko diateh, na talepon Ayah. Habis mahambiak Hape ka bawah, naiak na liek, masih takuik ko, na bantai takabia sampai ateh tuw. Na bukak lai, na sir an Basmalah nyo, soalnyo baco basmalah pertamo dalam hati se nyow kan. Na bukak, alhamdulillah, lai tabukak pintu tu. Na caliak dulu ka dalam sabalun masuak. Hah, amaaaaan. Capek-capek na matian pemancar. Tapi knop didinding nyo ndak na turunan. Soalnyo manunggu dijampuik beko, na nio main internet lo dulu. Kalau na matian kenop nyow, ndak bisa na internetan dari bawah dow. Capek-capek na turun. Ambiak Wudhu, sholat. Siap Isya, tarawiah jo witir, na nio main internet. Eeee, ba'a ndak connect lo si internet ko. Huh, kesal na kan. Hilang seketika takuik na yang menjadi-jadi tadi rasonyow. Raso ka na makan se komputer tuw (karna lapa atau karena marabo tuw yo?antahlah tuw). Na matian lai komputer tuw, na matian sadonyow. Manga lo lai kan, ndak mungkin na mambodoh-bodoh se dow nunggu dijampuik Ayah sapulang ayah dari musajik. Na tutuik pintu, na bae naiak ka ateh. Walaupun raso takuik masih menyelimuti na, na pasrah se lai nyow, pingsan, pingsan lah situ. Yang jaleh na harus ka ateh. Sampai di ateh, na langsuang main internet, sampai manunggu Ayah jampuik.

Masih ado lai ketakutan na yang lain. Salah satunyow, masih takuik baok kendaraan surang. Onde, kalau iko yo alah keterlaluan, dari 2002 lai, ndak ado berani-berani dow, lah sampai lo 2010 kini. Kama-kama masih mintak anta Ayah. Lah digalak an lo na jo si Jelek, kecek nyow, pegi ajha lah sendiri yank ( yank tuw panggilan akrab si jelek jo na, na pun panggia nyo yank, meskipun, ndak ado gai raso-raso sayang antaro kami dow). Tuw, dek lah sangkin akrab nyow jo Paja ciek tuw, dari mendaftar kuliah lai samo, ujian samo lo, lulus samo lo, PA samo lo, kelas samo lo, penjurusan yang bebeda lai nyo, serta tamaik nyo yang beda. Kalau na lah dari tahun 2009 tamaik, nyow baru kan dikukuhkan jadi Sarjana Ilmu Komunikasinyo, Oktober bisuak (lah kadaluarsa).

Sampai nyo slalu agiah semangat supayo na berani baok kendaraan surang ka manopun. Palak na, na tanyo ka inyo, ado ndak urang yang jua ubek berani? Ehhh, malah dikeceknyo "Palawak kow ne yank". Hahaha, kini na harus kumpua kan keberanian na. Meskipun talambek dan perlahan, ndak ba'a lah, yang jaleh, na harus berani. Ndak buliah takuik hantu, ndak buliah takuik di jalan raya. Cayooo, cayooo, harus na stimuli utak na supayo berani.