Yo Maleset

Hah, Huh, Hewh, Hoh, panek den Hah. Baru-baru ko kartu gsm 3 na, tibo-tibo ba ulah nyow, "Sim Salah", Hah, apo pulo lai kow. Bara bulan yang lalu model itu lo, kalampasiangan na dibueknyow. Masalahnyow, kartu ko, sms nyo murah, biati wak dinyo. Apolagi, kartu ko acok lo diisian pulsa jo mbak erna. Dulu dek mash pakai paket yang biaso, jadi kalau isi ulang, dapek lah bonus untuak sesama 2x lipek dari pulsa yang wak isi. Tapi pulsa bonus ko cuma bisa dipakai untuak manalepon ka sesamo se nyow (agak-agak maleh wak setek), tapi ndak ba'a lah, bisa na pakai untuak mahota jo si Rama, eh salah jo mbak Erna makasuik na.

Dek pulsanyo banyak yang ado dikartu tuw kan, ibo lo na nio mangganti nyow. Tapaso na ka 3 store. Wakatu tuw, na alun tahu lo dima 3 store tuw, cuma di utak na, raso-raso pernah na mancaliak tulisan 3 yang gadang, tapi dima yow. Ha, untuang lai jalan aka na, na bueklah status di ef-be, batanyo dima 3 store di Pakanbaru ko. Di comment lah samo kawan-kawan ef-be tuw di Sudirman keceknyo. Hah, jadilah, tarimokasih dih kanti-kanti alah ma agiah tahu na.

Pulang siaran pai na samo Ayah ka 3 store tuw, eee kironyo ado kawan kuliah na yang karajo jadi CS di situ. Na sabuik an kalau kartu na rusak. Diambiak nyow kartu tuw, yo mah rusak, ndak nampil lo di hape nyo. Tuw diceknyo di komputer.
A keceknyo ka Na
Kawan: "Banyak pulsa nya masih ya Neyn?".
Na: "Iya, itu makanya say, sayang kalo ganti kartu baru, mana na udah daftar sms fb lage". Kawan: "Sebentar ya Neyn"
Na: "Iya"

Diambiak dinyow, karateh untuak diisi-isinyo, diambiaknyo lo kartu/chip kosong. Diagiahnyo ka Na. Tuw dikeceknyo lai ka Na "Tapi dikenakan biaya administrasi say 5 ribu". Dek na lah jatuh cinta (onde, lai normal tuw?)wkwkwk jo kartu kow, yo lah na bayia.
Sabalun pulang, dikeceknyo ka Na " nantik, kalau udah aktif, ayet telpon neyna ya, berapa nomer neyna yang lain yang bisa dihubungi?". Dicatat dinyo. Siangnyo na ditelponnyo, mangaba an kartu tuw lah aktif. Alhamdulillah, lah bisa na pakai kartu tuw lai.

Hah, iko, nio mode tuw lo nyow lai? Na hampeh an kartu ko beko. Alhamdulillah, malam nyow, elok surang nyow. Nah, ado lo yang aneh sejak nyow elok lai tuw. Ef-be by sms na jadi kacau, masak kalau na nio koment, masuaknyo malah ka inbox. Nio comment status na surang se ka inbox na lo pai nyow. Yo maleseeeeeeeeeeeeeeeet kartu ko. Bisuak na telpon liak cs-cs nyow tuw, ba'a dek mode iko. Ndak gratis gai na ef-be an by sms ko dow, bapotong tiok bulannyo mah.