Palawak Melucu Se

Ondeee Mak, asli tagalak. Alah lamo na danga lagu di album "Bagurau Dalam Lagu". Pertamo kali danga lagu-lagu tuw di oto, sangkek ka manunaikan tugas kuliah di Taluak Kuantan. Lagu ko dipadanga an samo si Afu. Itu lah awal carito lawak ko bamulo. Hahaha, sakik paruik dibeuknyo. Ba ulang-ulang kali pun mandangakannyo tetap ajho tagalak.

Tadi malam na ndak tarawiah ka musajik. Sebab satu dan lain hal, hehehehe. Jadi na tarawiah di rumah se. Dek na tarawiah surang, jadi ayat-ayat yang na pakai pun singkek dan pendek-pendek. Alhasil, capek lah na siap sholat Isya, Tarawiah dan witir. Siap Sholat dan segala-galanyo, tabik binguang na. Ka manga lah na lai ko yow? Akhirnyo, na iduik an komputer, rencana na nio main internet, tapi maleh lo na mangaluan pulsa untuak berinternet ria (ondeeee, pilik na jo pulsa mah). Tapaso lah modem tuw na caliak-caliak se, na kijok-kijok se. Mmmm, a karajo na di muko komputer yo kanti? Mancaliak-caliak foto, ma editnyo, suko-suko hati na, sambia mandanga an MP3 winamp. Tapi lagu a yang lasuah didanga an yo? mmm, bapikia-bapikia stek, akhirnyo pilihan jatuah ka album "Bagarah Dalam Lagu".

Dimulai jo lagu pertamo, judul nyo "Parasaian Hiduik". Tapikia dek na, ondeh urang manggaleh goreng mah. Ckckckck. Ado kato-kato lawaknyo "den campak an galeh ko beko lai hah". Tu lah panek nyo manggaleh goreng, nyow bantai manggaleh godok sagan. "Yo godok sagan" mancam tuw lai nyow manyorak an. Hah, bato dek taragak lo na jo lapek sagan yoh? Ba'a lah kaka ko lai? Kama ka dicari malam-malam tuw. Hehehehe. Onde maibo lagunyo ternyato mah. Tapi biapun lawak-lawak sadiach lagunyow. Na danga an se sampai habih. Ibo lo wak mandangaannyow. Lah panek manggaleh ndak laku-laku, yang tacampak lah, dicotok ayam gai lah. Dek ndak laku-laku juo nyow bae marantau ka Jakarta, manggaleh narkoba. Hah rasai lah masuak bui jadinyo kan. Lah tantu tu karajo ndak elok, bakahoan juo yang indak-indak tuw. Contoh ka awak mah, barapun susah hiduik wak, cari se lah yang halal yo kanti. Jan tergiur jalan pintas.

Lagu kaduo, "Laki Jo Bini Dalang", hahahah, ondeh ajo jo upiak, lawak maaaaaaaah. "MEHA". Makan jo garundang gai, wkwkwkwk (Jijok mandangaannyo mah, masak garundang dimakan, garundang tuw kan bakal ka manjadi koncek mah). Hah carito dilagu kaduo ko cah carai cah carai. Yihaaa balagu wak lai? “Nan surang gilo nan surang tea, kalaulah jodoh apa lah daya”. (Jan sampai lo macam ko wak ndak). Masuak ka lagu ka tigo "Bato Prent". Kalau ko lagunyo agak gaul lo setek. “ Apa loe liat-liat”. “Pakerab pakeren, lets me the gen, ma tahu den waden tenggen”. “ Eh ngak tahu loe sama bg preman”. “Hai yuang kecek ang sanang masuak api narako ko?”. “Dulu khamar kini kacang padi, dulu ektasi kini abuih ubi”.

Lanjut lagu ka ampek, "Si Buyuang Paniang". “Hilang pitih amak sapuluh juta, eee kiro dicilok jo sibuyuang sangkek pai ka Pakan”. Rasailah ang yuang, tu pitih untuk baralek wa’ang di bulan ka tibo. Lagu yang ka limo “Radio si Buset”.
“Tanjidin mintak lagu judul lagunyo cincin di salo ampu nan gadang, eeee diputa an lagu Cincin talulua”. Ko nomor talepon radio si buset ndak tanggung lo panjangnyo 9238746517868381742753284317652174320 (sapanjang tali baruak). Ckckckc

Lagu selanjutnyo "Tuk-Tuk", dilanjut an lagu "Pagelaran tinju". Habis tuw Lagu favorit na “Rangik Jo Pareman”. Tuw lagu ka sambilan “Ba Akolai” (carito Ajo babini rancak tapi parangainyo sabana santiang, tangah malam mahirik kambiang ). Lagu terakhir "Cinta 123". Hahaha, tuntas sudah kebersamaan di Bagurau dalam lagu. Lah gambuang rasonyo pipi na dek galak. Takocok-kocok paruik dek takikik-kikik galak. Asli palawak. Yang nio ikuik galak, bali lah kaset nyo dih. Hasil karya, dunsanak wak juo ko mah.